ඇනෝනිමස් ඉල්ලීමට අනුව සැප්තැම්බරයේ කතන්දර බ්ලොග් එක සැරසෙයි! : Fourteen shades of September - coming to a screen near you!

බ්ලොග් ලියන, කියවන අයට මේ "ඇනෝනිමස්ලා" කියන්නේ කවුද කියලා අමුතුවෙන් හඳුන්වා දෙන්න ඕනෑ නෑ නේ?

මං මීට පෙර ඇනෝනිමස්ලා වර්ගීකරණයක් කරලා තියෙනවා. (හැබැයි හිත් පිත් නැති බොට් ඇනෝනිමස්ලා කියන්නේ නම් වෙනම ම කොටසක්.)

ඊට අමතරව ගුඩ් ඇනෝනිමස්ලා ට උපහාර පිණිස සුවිශේෂී කතන්දරයකුත්, නෝටි ඇනෝනිමස්ලාට (අපහාස පිණිස) කතන්දරයකුත් ලියලා පළකරලා තියෙනවා.

අද මේ හදන්නේ ඇනෝනිමස්ලා නිසා කතන්දර බ්ලොගයේ සිදුවෙන වෙනසක් ගැන කියන්නයි.

පහුගිය අවුරුදු දෙකේම මං සැප්තැම්බරයට යෙදෙන සාහිත්‍ය මාසය සමරන්න කයි-කතන්දර කියලා අමුතු කතන්දර වර්ගයක් හඳුන්වලා දීලා, දවසක් ඇර දවසක් ඒ කයි-කතන්දර මේ බ්ලොග් එකේ පළ කෙරුවා.

මේ සඳහා මං උපයෝගීකරගත්තේ මංතුමා පේරාදෙනිය විශ්ව විද්‍යාලයේ ඉන්න කාලේ ලියලා, ඉංජිනේරු පීඨ කලා කවයේ බිත්ති පුවරුවේ පළ කරපු කවි.

මේ කයි-කතන්දරවල පොඩි රහසක් තිබුණා. ඒ ගැන මං හෙළි කෙරුවා දැන් මාස කීපයකට කලින්.

මෙදා පාර සැප්තැම්බරය එන්නත් කලින් ඇනෝනිමස් නෝනා කෙනෙක් පොඩි විරෝධතා ව්‍යාපරයක් පටන් අරගත්තා කයි-කතන්දර එපෝ කියලා.

ඒ ප්‍රොටෙස්ට් එකට තවත් ඇනෝලා කීප දෙනෙකුගෙනුයි, ප්‍රොෆයිල්කාරයින් කීප දෙනෙකුගෙනුයි සහයෝගය ලැබුණා.

ඉතිං දැහැමෙන් සෙමෙන්, දස බ්ලොග් ධර්මයෙන්, බ්ලොග්කරණයේ යෙදෙන බ්ලොග්කාරයෙක් හැටියට මං තීරණය කළා ඒ ඉල්ලීම්වලට සාධාරණයක් ඉෂ්ඨ කරන්න.

ඒ නිසා මේ සැප්තැම්බරයේ කයි-කතන්දර නෑ.

අගෝස්තුවල නං එකක් දැම්මා. ආයේ කයි-කතන්දර දාන එක ගැන සැප්තැම්බරයෙන් පසු සළකා බලනවා.

නමුත් සැප්තැම්බරයේ සාහිත්‍ය ප්‍රබෝධය නග්ගලා ගන්න යම්කිසි දෙයක් නොකරත් බෑනේ?

ඒ නිසා මං තීරණය කළා, හෙට ඉඳලා මං ලියපු ග්‍රන්ථ විචාර ඒ කියන්නේ "බුක් රිවීව්ස්" පළකරන්න. එහෙමත් නැතිනම් පොත් ගැන කතන්දර ලියන්න.

මේ සීරීස් එකේ මුල්ම ලිපිය හෙට උදේ හයට දාන්නයි ඉන්නේ!

මොකද කියන්නේ?

-කතන්දරකාරයා

ප/ලි
රාජ්‍යය කරන පොරවල්වලට උපයෝගී කරගන්න කියන දස රාජ ධර්මය වගේ බ්ලොග්කරණයේ යෙදෙන අප උපයෝගී කරගත යුතු "දස වැදෑරුම් බ්ලොග් ධර්මය" ගැන පස්සේ ලියන්නම්!

(image: http://www.globalgallery.com/features/shades-of-spring)