බ්ලොග් ලියන, කියවන අයගෙන් වැඩි පිරිසක් කසාද බැඳපු පිරිමි කියලයි මට තේරිලා තියෙන්නේ. මං මේ කියන්න යන්නේ මොකක් ගැනද කියලා මගේ ඒ සහෝදර පිරිස දන්නවා.
එතකොට බැඳපු කාන්තා පක්‍ෂය? ඒ අයටත් මං මේ කියන්න යන කේස් එක ගැන තරමක හෝ අවබොධයක් ඇති.
මේ කියන්න යන්නේ, තමන් ගේ කසාද වයිෆ් පැය දෙක තුනකටවත් නිවසෙන් පිට ගියොත්, ඒ කාල සීමාවට දවසේ දිවා ආහාර වේලාව හෝ රාත්‍රී කැම වේලාව යෙදුනොත්, ගෙදර තනිවෙන කසාද මිනිහා කන්නේ බොන්නේ කොහොමද, මොනවාද කියන දැවැන්ත ප්‍රශ්නය ගැනයි!
මේ වැඩේ මට කලින් දෙතුන් වතාවක් වෙලා තියෙනවා.
මුල් වතාවේ මං ලිව්වා ඒ කාපු පරිප්පුව ගැන.
දෙවෙනි වතාවේ ලිව්වේ රමණී නෝනා මට කළ උදව් උපකාර ගැනයි.
තුන්වෙනි වතාවේ ලිව්වා ස්ටර් ෆ්‍රයි හැදීම ගැන.
දැන් මෙන්න හතරවෙනි වතාව.
පහුගිය දවසක මංතුමා දවල් වරුවේ ගෙදර හිටියා. හාමිනේ වැඩට ගිහින්. ළමයි ඉස්කෝලේ. මං හිතාගෙන හිටියේ කලින් උයපු කෑම ජාති මොනවා හරි ෆ්‍රිජ් කට්ටේ අහුමුළුවල ඉතුරු වෙලා ඇතිය කියලයි.
බඩගිනි වෙලා මා ගිය කල කුස්සියට
තිබුණේ නැතිය කිසිවක් එහි මට කන්ට
මොකදෝ කරන්නේ කියලා හිතුණි මට
ක්‍ෂණිකව හදා ගත්තෙමි කෑමක් රසට!
වැඩි ටෝක්ස් බෝක්ස් නැතුව ෆොටෝවලින් ම දෙඤ්ඤංකෝ කතා වස්තුව.
අන්න එහෙමයි වුනේ!
පින්තුරු කතන්දරේ නොතේරෙන කෙනෙක් ඉන්නවා නම් කියන්න. මං විස්තර කරලා දෙන්නම් මේ රෙසිපි එක පියවරෙන් පියවරට.
දැන් ඔය කිව්වේ දවල්ට කාපු කෑම ගැනනේ. මෙන්න බීම ගැන පින්තූර කතන්දරේ.
චියර්ස්!
-කතන්දරකාරයා
(image: http://www.thefiftyfactor.com/2012_10_01_archive.html)
මාගේ රසික,රසිකාවියන්ට සුපෙම්බර සුභ උදෑසනක් වේවා..!!
ReplyDeleteහෙටත් එසේම වේවා!
Deleteඒ කියන්නෙ කසාද වයිෆ් හැර තවත් වයිෆ්ලා අපිට සිටිනවා කියලද?
ReplyDeleteඇයි අර ළමයි හම්බවෙන වයිෆ්ලා, ඒ කියන්නේ මිඩ්-වයිෆ් ලා?
Deleteand there are Ex-Wives as well.
පළවෙනි කොටුවෙන් පේන්නේ මා ප්‍රිය නූඩල් ජාතිය
ReplyDeleteමිරිස් රසට බිත්තරයක් සමගින් කෑමයි ප්‍රීතිය
දෙවෙනි කොටුවෙ මා කරන්නේ නූඩල් පොඩියට කැඩීම
පැකට් එකේ ඇතුලේදිම හරි පහසුයි එය කිරීම
තායි රසය ගෙන එන පොඩි පැකට් ජාති තුනක් ඇතේ
තුන්වෙනි, සිව්වෙනි කොටුවලට ඒතතු විස්තර කෙරෙතේ
සාස්පාන ලිපේ තියා වතුර ටිකක් රත් කරන්න
Deleteඒ ගැන නොම දන්නා අය පස් වෙනි කොටුවෙන් බලන්න
වතුර නට නටා එන කොට නූඩල් ටික එයට දමා
හයවෙනි කොටුවේ විදියට තම්බා ගත්තොත් කදිමා
හත්වෙනි කොටුවේ පෙනෙන්නේ එතකු කරපු බිත්තරයයි
අටවෙනි කොටුවේ විදියට කවලම් කරගත යුතුමයි
නමවෙනි කොටුවෙන් පෙනෙන්නේ රසකාරක යොදපු හොද්ද
Deleteහොඳ හැටි කවලම් නොකලොත් එතන වෙන්නේ වස වැරැද්ද
විනාඩි දෙක ගත වුණු පසු දිසියකට දමා ගන්න
වයිෆ් ගෙදර එන්න කලින් උණු උණුවෙම රස විඳින්න
ක්‍ෂණිකව නූඩල් හදනා තොරණේ විස්තර එහෙමයි
අසා සිටිය ඔබ සැමටම මහ රජ්ජුරුවන් සරණයි!
කකා, මමත් මේ රෙසිපියම හදනවා ( පුලුවන්නම් පරිප්පු හොදි ටිකකුත් මේකටම එකතු කරලා.) මට කවදාවත් හමුවී නැති ඔබත් මේ රෙසිපියම හදනවා යැයි ඇසීම සිනාවට කරුනක්.
Deleteමේ කවි ටික නේ පෝස්ට් එකට දාන්න තිබුනේ... ඕක ඔළුවට ආවේ නැතෙයි කලින්.. මම මේ කොමෙන්ට් එකක්වත් නොදා මල පැනලා යන්න ගියේ..
Deleteසාස්පාන හා පිඟාන හෝදාලා නොතිබ්බොතින්
Deleteහොර අහුවෙයි වෙරි හිඳවයි ඒ හින්දා පරිස්සමින්
@ dawkinssdodo
Deleteඒ කැලේ කොටි සහ මේ කැලේ කොටි එක පුල්ලි ඇති අය බවද එයින් කියවෙන්නේ?
පරිප්පු තිබුණා නම් මං පාන් කෑල්ලක් කනවා!
@ Maathalan - Priyantha HewageSeptember 26, 2013 at 8:14 AM
Deleteඔළුවේ තිබුණා. ටයිප් කෙරුවේ පස්සේ!
@ Praසන්ன
Deleteනෝන ගෙදර ආපුවාම තේකක් හදලා දෙනවා
එපිං බලෙන් වලං පිඟං නොසේදු පව පහවෙනවා!
මම නම් කරන්නෙ හාල් හුන්ඩුවක් ලිපේ තියල පොල් සම්බලයක් හදල,බිත්තර දෙකක් බැදල අරගෙන කන එක.
ReplyDeleteමට ඔය ක්ෂණික දේවල් අරහං.
http://kathandara.blogspot.com/2012/06/misfired.html ???
DeleteIs this something to post on a blog, this looks perfectly normal to me, there is a similar thing in SL called Maggie Instant Noodles
ReplyDeleteමගේ වෙබ් ලොග් එකේ ලොග් ඇන්ට්‍රි විදියට කවදත් දාන්නේ මගේ අත්දැකීම් තමයි.
Deleteකසාද වයිෆ් ??
ReplyDeleteකසාද නොබැදපු වයිෆ්ලත් ඉන්නවද?
හොර ගෑනුන්ට වයිෆ් කියල කියනවද?
NEHE NEHE ,MISTRESS KIYALANE KIYANNE.
Delete/* කසාද නොබැදපු වයිෆ්ලත් ඉන්නවද? */
Deleteඇයි මිඩ්-වයිෆ්?
COOKERY WALATA NAM ME HUCHAKKUWA BALANNA OONE NEHE. HONDA RECIPE BLOG THIYENNE, MEWA BALANA APATA YAMA RAJJURUWANGEMA SARANI.
ReplyDeleteමොන ගූ ගොඩක් ලිව්වත් පොඩ්ඩිල, මාතලංල, වෙදනා වගේ මාරුවට පිට කහගන්න කට්ටියක් ඉන්නවනෙ කැප් මචෝ
Deleteela ela
ReplyDeleteකොමෙන්ට් මදි හින්දද මේ තමන්ම දාගෙන තියෙන්නේ :o
ReplyDelete- මහසෝනා
අනේ මෙහෙම තන්හාවක්, අනේ මෙහෙම ආසාවක්
Deleteමිනිසුනි ලැබේද ඉන් සැනසීමක්?
බීම කෙසේවෙතත් , කෑම ගැන කතාව නම් සහතික ඇත්ත
ReplyDeleteවැඩිපුර බීම මෙන් ම කෑම ද අගුණයි!
Deleteඅපෙත් ඉතින් ජනප්‍රියම කෑමක් තමයි ඕක.... වේල් දෙක තුනකට සැරයක් ඕක එනවා ...... මාර වැඩේ කියන්නේ සමහර වෙලාවට වේල් දෙකතුනම පිට පිටමත් ඕකම එනවා
ReplyDeleteඔයා නං කන්නේ මී ගෝරිං වෙන්න ඇති නේ?
Deleteඅපේ වත්තෙ ඕවගේ ක්ෂණික ආහාර තියෙන්නෙ සංචිත විදියට ඒ තැන්වලමයි..
ReplyDeleteඇඹරැල්ල, අඹ, දොඩං හැදෙන කාලෙක ඒව ඒ ගස්වල..
වැහි කාලෙක නම් මයියොක්ක අලයක් ගැලෙව්ව තැම්බුව කෑව..
කොස් හැදෙන කාලෙක නම් කොස් හරි වැල වරක හරි ගෙඩියක් බෑව කෑවා...
හැබැයි ඔය මොන අලගෙඩිය තිබුනත් අපේ ගෙදර අයත් හිටපු ගමන් කඩේ ගිහින් නූඩල්ස් ගෙනල්ල කනවා.. සාම්ප්‍රදායික විදියටම අපේ තාත්ත කෘතිම ආහාර වලට බනින අතර බැනල ඉවර වෙලා තාත්තත් “කෝ ටිකක් රහ බලන්නවත්“ කියලා පිගානක් බෙදාන කනවා...
ඇයි, තැඹිලි කුරුම්බා නැද්ද?
Deleteපිළි ගත්තත් නැතත් අප බොහෝ දෙනකුට අකසාද වයිෆ්ලා ඉන්නවා. (හොර ගෑනු නෙමෙයි, හොඳේ.)
ReplyDeleteදර්ශීය උදාහරණයක් ලෙස දිනපතා අම්බලන්ගොඩ සිට කොළඹ රස්සාවට එන සිල්වා මහත්තයා ගන්න. සිල්වා මහත්තයා පැය තුනක් වත් (උදේ හවස) කෝච්චියේ පැට අටක් ඔෆිස් එකේ. ඒකට සාපේක්ෂව ගෙදර වයිෆ් එක්ක ඉන්නේ (නිදා ගන්න කාලය අත ඇරියාම) පැය තුනක් විතර. ඉතින් ගෙදර වගේම කෝච්චියේත්, ඔෆිස් එකේත් සිල්වා මහත්තයාට අකසාද වයිෆ්ලා දෙන්නෙක් ඉන්නවා. වරදවා තේරුම් ගන්න එපා. මේ කියන්නෙ සෙක්ස් කරන ළමයි වදන වයිෆ්ලා නෙවෙයි. නමුත් ඉතුරු සියළු කාරණා වලට ගැළපෙන වයිෆ්ලා. සමාජ සම්මතයන් නොතිබුණා නම් සිල්වා මහත්තයා එක්ක ඇඳට ගොඩ වෙන්න වුණත් අකැමැති නැති වයිෆ්ලා. ඒ අයටත් ගෙදර තව නීත්‍යානුකූල හස්බන්ඩලා ඇති.
මේ සිස්ටම් එක ගැන කාටවත් බනින්න බෑ. හිතන්න බලන්න සිල්වා මහත්තයාට මෙහම චාන්ස් එකක් නොතිබුණා නම් ජීවිතේ කොයි තරම් කටුක වෙන්න තිබුණාද කියලා. ඉතින් සිල්වා මහත්තයාට වත් ඔහුගේ වයිෆ්ලට වත් බනින්න එපා. ඔබ තුළ ඉන්නා සිල්වා මහත්තයා හඳුනා ගන්න.
එතකොට අවසේ වැඩිපුරම කාලයක් එකට ගත කරන කොම්පීටරී?
Deleteඊට වඩා ලේසියි නෙ කප් නූඩ්ල්ස් හදන් කන එක... එකම රහ... :)
ReplyDeleteහ්ම්.. ඒකටම බිත්තරයක් කඩල දාල ටික වෙලාවක් වහල තියල කෑව නම් හරි.
Deleteකාලය,ශ්‍රමය සහ වියදම ඉතිරියි.
උණුවතුරේ දානවාට වැඩි රහයි මේ විදියට ඉව්වාම
Deleteඅම්මපා මේදවස් වල මාත් එහේමනේව...හික්ස් ...!!!
ReplyDeleteබිරින්දෑ නෑගම් ගොසින්?
Delete//In Australian indigenous culture "secret men’s business" refers to ceremony and ritual open only to men. //
ReplyDeleteකවුරුත්ම අහලා නෑ ඇයි මේ secret men’s business කියලා තියෙන්නේ කියලා නේද?
වයිෆ් ලා නැති වෙලාවට කන බොන හැටි ගැන කියවෙන හින්දා ඒ යෙදුම පාවිච්චි කළා! අවසරද?
Delete\\බ්ලොග් ලියන, කියවන අයගෙන් වැඩි පිරිසක් කසාද බැඳපු පිරිමි කියලයි මට තේරිලා තියෙන්නේ. \\
ReplyDelete:)
කකා ඒක නෙවේ පොතක් ලියලා ඒක ප්‍රකාශකයෙක් ළඟට අරන් ගියාට පස්සේ කොහොමද ඉතුරු ටික වෙන්නේ කියලා පෝස්ට් එකක් දාන්නකෝ.. කතෘ භාගය එහෙම කොහොමද තීරෙනය වෙන්නේ ... මම දන්න කෙනෙක් උන්නා CR පොත් 2 ක විතර කේන්දර හදන හැටි අග සිට මුලට ලියන් හිටපු, පොතක් ලෙස පළ කිරීමේ උවමනාවෙන්.. පිටපත් 1000 ගහන්න ලක්ෂ එක හමාරක් යනවලු.. ඒ මනුස්සය ගේ උකස් තියලා වැඩේට බහින්න ලෑස්තිය..අනේ මන්දා කකා..
වෙනම පෝස්ට් එකක් විදිහට දාන එක හොඳයි...ගොඩක් දෙනෙක්ට ප්‍රයෝජනවත් වේවි.. දැනටම ලියලා තියේද ..?
Deletehttp://maathalan.blogspot.com/2013/09/book-carnival.html?showComment=1379392840068#c2804461739367180674
Deleteෂා නූඩ්ල්ස්... කටට කෙලත් උනනවා බොල
ReplyDeleteබුදු අම්මෝ මට බඩේ අමාරුවක් හැදෙයිද මන්දා?
Deleteමේ කෑමට කොරියාවේ කියන්නේ නම් රාම්්‍යාන් කියලා..ගුණ අගුණ කාරණේ පැත්තකින් තිබ්බොත් රස කෑමක්..
ReplyDeleteමොනවද මේ කතා?
Deleteනැත්තං මං කනවාද?
කකා.........මම තමයි ගෙදර බොහෝවිට උයන්නේ. මට රසට කෑම උයන්න පුලුවන්. වයිෆ් නිවාඩු දවසට එයා උයනවා. ගෙදර වැඩ වෙන කිසිම දෙයක් මම කරන්නේ නැහැ ඉවිල්ල විතරයි. වයිෆ් ගෙදර නැතත් මට කෑම අවුලක් නැහැ.විනාඩි 30න් එලවළු දෙකයි, මස් එකයි. යාලුවොත් මට කියලා විච්චූරණ හදාගෙන කන්න ආසයි.මට ඉන්ස්ටන්ට් සහ ටේක් අවේ අරහං. කොහේ හරි ගියොත් කනවා.තව එකක් තියෙනවා කකා....... රෑට බත් නොකෑවොත් එලිවෙනකම් දන්සල්, බුෆේ වගේ දේවල් හීනෙන් පෙනි පෙනී නින්ද කැඩෙනවා. ඕන යාලුවෙක්ගේ පාටි එකකදී මට බත් ඒ අය ආසාවෙන් හදලා තියනවා.
ReplyDeleteහැබැයි කකා....වයිෆ් ගෙදර නැති උනොත් බොන කොන්ටිටි එකනම් අනිවාර්යෙන්ම ඉහල යනවා.
/* රෑට බත් නොකෑවොත් එලිවෙනකම් දන්සල්, බුෆේ වගේ දේවල් හීනෙන් පෙනි පෙනී නින්ද කැඩෙනවා. */
Deleteජීවිතේට අහලා නෑ මේ වගේ කතාවක්!
matath
Deletecomment kanawada yako
ReplyDeleteඅන්න ඒකයි. බොන එක පැත්තක දාලා ඔය ඇපල් වගේ එව්ව හපල කන විදිහට ගත්ත නම් මොකද? නූඩ්ල්ස් එක හදාගන්න එක නම් මහලොකු කජ්ජක් නෙවෙයි. අර විස්තරේ බලල ගේමට බහින්ඩ තියෙන්නේ. මම නම් හීටරේ ගැහුවා. සාස්පානක් ගත්තා දැම්මා නුඩ්ල්ස් ටික. ඔන්න ඔහොම. උයන එකෙන් මට හොඳටෝම පුලුවන් අම්ම උයන වෙලාවට පොල් ටික ගාල දෙන්න තමයි. අනිත් ඒවත් පුලුවන් උයන්ඩ. හැබැයි මම විතරයි කන්නේ.
ReplyDeleteග්‍රීන් ඇපල් උයන්න පුලුවන් ඇඹරැල්ල, අඹ වගේ. ඒ විදිහටම ගත්තහැකි. හපන්න ඇටයක් තමයි නැත්තේ.
Deleteඔව් ග්‍රීන් ඇපල් පමණයි සම්මත හිදිහට උයන එකම ඇපල් ජාතිය . ඒකෙන් අතුරුපස බර ගානකුත් හදහැකී . ග්‍රීන් ඇපල් වලට කුකින් ඇපල් කියන්නෙත් ඒක නිසාතමා මයෙ හිතේ .
Delete@ තරංග.........හැම ග්‍රීන් ඇපල් වර්ගයක්ම කුකින් variety එකක් නෙමේ.සමහර රෙඩ් ඇපල්ස් වර්ගත් කුකින් වලට ගන්නව. බොහෝවිට ග්‍රීන් තමයි පාවිච්චිය. එයිනුත් Bramley කියන වර්ගය කුකින් සඳහා විශේෂයි
Delete@ තරංග.........හැම ග්‍රීන් ඇපල් වර්ගයක්ම කුකින් variety එකක් නෙමේ.සමහර රෙඩ් ඇපල්ස් වර්ගත් කුකින් වලට ගන්නව. බොහෝවිට ග්‍රීන් තමයි පාවිච්චිය. එයිනුත් Bramley කියන වර්ගය කුකින් සඳහා විශේෂයි
Deleteමේ noodles හදන විදිය අපි හදනවට වඩා වෙනස් නේ
ReplyDelete//ඇමරිකානු බිමේ ඉපදිලා කන්න , ඉන්න නැතුව ඉන්න අහින්සක මිනිස්සු ඉදීදී????????????// අපේ පැත්තේ ඇමරිකාවේ නම් ආහාර මුද්ද්රෙන් කන අයත් ලංකාවේ සල්ලි කාරයන්ට වඩා හොඳට කනවා… ඇමරිකාවේ කවුරු හරි ගෙවල් නැතිව හරි පාරේ හිඟමනේ හරි ඉන්නේ නැති හින්ද නොවෙයි ඒක ඒ මනුස්සයන්ගේ තෝරා ගැනීම නිසා. මෙහේ නගරාධිපතිට තියන ගැටලුව ඔහු දවසක් කිව්වේ මෙහෙම we can’t force homeless people into shelter against their free will.
ReplyDeleteමේ මොනාද මේ කකා???? අලුත් කෑමක් ද???
ReplyDeleteනියමයි නියමයි .
ReplyDeleteහැබැයි මායීයා හදන කෑම වගේ නැතත් මේ වගේ දෙයක් මේ වගේ වෙලාවට දිව්‍යය බෝජනයක් තමා .
මට නම් හැමදාම ඉතින් උයාන කෑම තමා.ඉන්දලා හිටලා ඔය පැකට්ටුවක් කනවා.
ReplyDeleteදැන්ම ඉදන් මේවා දැනන් ඉන්න්න එක කෝකටත් හොදයි..
ReplyDeleteනුඩ්ල්ස් නම් මහා ලොකු දෙයක් නෙවේනේ කාකා හදන එක. හොස්ටල් එකේ අපිට සාස්පාන් නෑ. ඉතිං තේ බොන කෝප්පෙට වතුර එකක් දාලා තමයි යාන්තමට තම්බා ගන්නේ
ReplyDeleteමටත් ක්ෂණික නූඩ්ල්ස් නම් අරහන්. ගඳ එනකොට කෑම රුචිය නැතිවෙලා යනව. ඒත් ළමයි ඉල්ලා සිටියොත් මගේම රෙසිපියකට හදල දෙනව. උනුත් අම්ම හදල දෙන එකට වඩා බොහොම කැමැත්තෙන් කනවා. මෙන්න රෙසිපිය. ඔලිව් තෙල් හැන්දක් රත්වෙන්නට හැර ඒකට සිහින්ව කපා ගත් රතු ළූණු ගෙඩි දෙකක් සහ කරපිංචා කොළ 4ක් 5ක් දමන්න. ඊළඟට වියලි ඉස්සන් 5ක් 6ක් දමන්න. ඊලගට රස කාරක පැකට්ටුවෙන් භාගයක් බැදෙන මිශ්‍රණයට දමා හොඳින් කලවම් කරන්න. කරි කුඩු තේ හැඳි භාගයක් සහ කෑලි මිරිස් හැඳි භාගයකුත් එක් කරන්න. ඒ අතරම නූඩ්ල්ස් හොඳින් පොඩිකර උනුවතුරේ බහා විනාඩි 2ක් තබන්න. වැඩිය තැම්බෙන්න දෙන්න එපා. al dante තත්වයට තබාගන්න. එය බැදෙන මිශ්‍රණයට එක් කරන්න. ඒ සමගම බිත්තරයක් කඩා මිශ්‍රණයට එක කර හොඳින් දවටා ගන්න. බිත්තරය ගන්නට ඉදුණු පසු යම් තෙතමනයක් තිබියදී ලිපෙන් බාගන්න.
ReplyDeleteඇනෝවෙක් ලෙස ලියන එක ගැන සමාවන්න. ඇනෝ තත්වයෙන් මිදී අන්වර්ථ නාමයකින් ලියන හැටි ගැන පහදා දෙන්න,