අවුරුද්දෙ පොඩි අඩුවක්?

අළුත් අවුරුද්දෙ පොඩි අඩුවක් දැනුණා.

ඒක ගැන කියන්නයි, කට්ටියටම සුභ නව වසරක් ප්‍රාර්ථනා කරන්නයි තමයි මේ කවිය දාන්නේ.

අවුරුද්දෙ අඩුවක්

සීතල සුළඟක් ඒවිද කෙදිනක සිසිලක් සුවයක් එකට අනා
ඉඩෝරයේ සරතැස දාහය මැද දුක්වෙන කල ලොව සියළු දෙනා
"එක පදයක් අඩු කවියක්" වාගේ තව නව වසරක් උදා වුනා

ගතානුගතිකවු එරබදු මල් සහ කොහෝ කුරුළු නාදය තිබුනා
රතිඤ්ඤ සද්දේ කැවුම් කොකිස් සහ කි‍්‍රකට් සමග අවුරුදු ලැබුනා
ඒත් මොකක්දැයි හිතාගන්න බැරි අඩුවක් ඒ මැද්දෙන් එබුනා

ලැබු නව වසරේ දාහය නිවනා සීතල වා රැුළි හමන්නයි
සිරිපොද වැසි මැද පිච්ච සමන් මල් සුවඳ විහිදමින් පිපෙන්නයි
"පද හතරක කවියක්" සේ අඩු නැති සුභ නව වසරක් ලබන්නයි

සුභ නව වසරක් වේවා!

කතන්දරකාරයා
ප/ලිඃ
කලින් මේ කතන්දර කියෝල නැති අයටයි මේ හරිය ලියන්නෙ. දැං නම් වැඩිය කවි ලිව්වෙ නැති වුනාට කතන්දරකාරය මුලින් ම කවි ලියන්න පටන් ගත්තෙ තුනේ පන්තියෙ ඉන්දැද්දියි.

ඊට පස්සෙ පටන් ගත්ත පෙම් කවි ලියන්න.

උසස් පෙල කරද්දි ලියපු අවකලනය ගැන කවිය මතකයි නේද?

ඒ එක්කම මං කැමතියි රසික සූරියආරච්චි ගේ "සිව් සිත් කව්" පොතේ කවි කියවන්නත්.

සුභ නව වසරක් වේවා! කියා නැවතත් ප්‍රාර්ථනා කරනවා!