Saturday 13 March 2010

ඇන්ටි ගෙ නුවණ හෙවත් Australia වේ සිට ටෙලිඩ්‍රාමා බැලීම


මතකනේ මං මීට කලින් ලියපු ඇන්ටි ගෙ කතාව. මේකත් ඇන්ටි කෙනෙක් ගැන කතාවක්. නමුත් අර කෘවෙලා ඇන්ටි ගෙ කතාව එක්ක බලන කොට නිකං හුලං විස්කෝතු එකක්.

අපේ ඇන්ටි වයස හැටක විතර පැන්ෂන් ගිය පරණ ඉස්කෝලෙ හාමිනේ කෙනෙක්.

මේ සිද්ධිය වුනේ තරමක් ඉස්සර 1997 විතර. ඔන්න අපි දන්න කපල් එකක් ඕස්ටේ්‍රලියාවෙ ඉඳල ලංකාවට ආවා නිවාඩුවට. මේ ඇන්ටි ගෙ ගෙදරටත් දවසක් ගියා නෑගම් ඉරිද දවසක හවස් වෙලා.

ඔන්න ඉතිං කාල බීල ඉවර වුනාට පස්සෙ කෂ්ටියම සැට් වුනා ටෙලි ඩ්‍රාමා බලන්න. නෑ, ඇත්තටම කියනව නං, ටෙලි ඩ්‍රාමා එක පටන්ගන්න කලින් කෂ්ටිය කාල බීල ඉවර කලා.

එදා ගියේ නාලන් මෙන්ඩිස් ගෙ නෑදෑයෝ කියන ටෙලියයි. අපේ ඕස්ටේ්‍රලියන් කාරයෝ මේක බලල තිබුනෙ නෑ. ඒ ගොල්ලො ලංකාවෙන් ගිහින් තිබුනෙ ඊට අවුරුදු දෙකකට විතර කලින් නාලන් මෙන්ඩිස් ගෙම දූ දරවෝ කියන ටෙලිය යන කාලෙයි.

ඉතින් කතාව පටන් අරන් ටික වෙලාවකින් ගෙදර අනෙක් කෂ්ටියට වුනා, ඒකෙ චරිත ගැන විස්තර, මෙතෙක් කතාව ආදිය ඕස්ටේ්‍රලියන් කාර කපල් එකට කියල දෙන්න. මට මතක හැටියට, මේ ඩ්‍රාමා එකේ විජේරත්න වරකගොඩ ප්‍රෙස් එකක් (මුද්‍රණාලයක්) කලා. ඒ චරිතයෙ බිරිඳ ට රඟපෑවෙ දූ දරුවො එකේ ගෙදර මෙහෙකාරිට හිටපු දීපානි ද සිල්වා. එයා ගෙදරම කඩයක් කළා. මනුස්සයගෙ කටේ නිතරම තිබුන කෑල්ල තමයි වැඩ, වැඩ, වැඩ, වැඩ, වැඩ!!! පවුලෙ පුතා අළුත බැඳල ගෙදරට කැඳවාගෙන ඇවිත් හිටියෙ තරමක මන්ද බුද්ධික කෙල්ලෙක්. ඒ චරිතෙ රඟපෑවෙ චාන්දනී සෙනෙවිරත්න.

මේ පැහැදිලි කිරීම් කරනව අහන් හිටපු අපේ ඇන්ටි ට හරි පුදුමයි. ඇයි මේ ළමයි ඕස්ටේ්‍රලියාවෙදි මේ නාට්ටිය බලන්නෙ නැද්ද? ඇන්ටි ඇහැව්ව.

එහෙ අපි බලන්නෙ වීඩියෝ කරල කුළු බඩු විකුණන කඩවල් වලින් ගෙන්නුවහම කුලියට අරං. Australian කාරය කිව්ව. ඉතිං, අපිට මාස දෙක හමාරකට පස්සෙ, එක පාරටම කොටස් නමයක් බලන්න පුළුවන්.

ඇයි එහෙ රූපවාහිනියෙ පෙන්නන්නෙ නැද්ද මේවා?

නෑ, නැන්දෙ, මෙහෙ රූපවාහිනී චැනල් එහෙට පේන්නෙ නෑනෙ.

වෙන්න බෑ. එහෙනං, එහෙ ගහන ක්‍රිකට් මැච්, මෙහෙ රූපවාහිනියෙන් පේන්නෙ.

ඇන්ටි පිළිගත්තෙම නෑ ලංකාවෙ ටෙලි නාට්‍ය Australiaවෙ ටී.වී. වලින් පේන්නෙ නෑ කියන එක.

ඇන්ටි ගෙ නුවණ ගැන අපිට හරිම හිනා.

අද බලාගෙන යන කොට ඇන්ටි ට නෙමේ අපි හිනාවෙලා තියෙන්නෙ, අපිටමයි.

ඉන්ටර්නෙට් එක හරහා දැන් ලංකාවෙ ටෙලි නාට්‍ය Australiaවෙ ඉඳල බලන්න පුළුවනිය කියල අපේ ඕස්ටේ‍ර්ලියා යාළුව කිව්ව.

ඔය යූ ටියුබ් එකෙත් තියෙන්නෙ සිංහල ටෙලි කෑලි ඕනෙ තරම්.

කතන්දරකාරයා

ප/ලිඃ කවුරු හරි unicode කාරයෙක් මට කියල දෙනවද, ඕස්ටේ්‍රලියාව කියල හරියට ලියන හැටි?

13 comments:

  1. ඔස්ට්‍රේලියාව - විජේසේකර යතුරුපුවරුවේ වදින්නේ මෙහෙම

    tiafg`a,shdj මේ ටික ස්පේස් නැතුව ටයිප් කරාම හරි.

    ReplyDelete
  2. ostrealiyaawa - ඔස්ට්‍රේලියාව

    ReplyDelete
  3. වෙන්න බෑ. එහෙනං, එහෙ ගහන ක්‍රිකට් මැච්, මෙහෙ රූපවාහිනියෙන් පේන්නෙ

    ඇත්තනෙ ඇන්ටිගෙ කතාව.

    ReplyDelete
  4. විජේසේකර නං ට්‍රේ ලියන්නෙ f g ` a (` කියන්නෙ Esc එකට පහල යතුර)

    ReplyDelete
  5. ඔස්ට්‍රේලියාව මම නම් ලිව්වෙ Tiafga,shdj විදියටයි.
    පිටරටවල ඉඳන් ලංකාවෙ ටෙලි බලන අය ඕනතරම් ඉන්නවා..මෙහෙත් ඉන්නවා.

    ReplyDelete
  6. oesTrealiyaawa (ඕස්ට්‍රේලියාව) kiyala methana type ekarala balanna

    http://www.ucsc.cmb.ac.lk/ltrl/services/feconverter/t2.html

    ReplyDelete
  7. කතන්දරේ නං මාර සිම්පල්. ඔය නැන්දා දිගටම ඉදියි නේද,
    ..............................................
    මම නං යුනිකෝඩ් නෙමේ. විජේසේකර එකේ නං ටැබ් එකට උඩිං තියෙන `~ කී එක ඔය වරදින තැනට ගැහැව්වම හරි. ඕක මට කියලා දුන්නෙ රන්දිල්

    ReplyDelete
  8. ඇන්ටි දස්සි . . හික් හික්

    ReplyDelete
  9. ඕස්ටේ්‍රලියාව යන වචනය ලියන්නට ක්‍රම කියපු හැමෝටම ස්තුතියි. මං සිංහලෙන් ලියන්නේ කපුටා වලින්, ඉන් පස්සේ කොළඹ විශ්ව විද්‍යාලයේ එසැණින් පරිවර්තකය මගින් යුනිකෝඩ් කර ගන්නවා.

    කපුටා වලින් හරියට ලිව්වට පරිවර්තනය එන්නේ අවුල් වෙලයි - ඕස්ටේ්‍රලියාව කියලා.

    කතන්දරකාරයා

    ReplyDelete
  10. කොහොමද ඇන්ටිගේ ටිකිරි මොලේ!

    ReplyDelete
  11. ඕස්ට්‍රේලියාව කියලා ලියන්න බැරිනම් ඩෙන්මාර්කෙ කියලා ලියාපන් බං.

    ReplyDelete
  12. ප්‍රතිචාර සියල්ලටම ස්තුතියි!

    ReplyDelete
  13. හරිම බොළඳ යි- බස මැරීමයි!

    ReplyDelete

මා ලියූ කතන්දරයට අදාල නැති කරුණු ඔබේ ප්‍රතිචාරවල ඇතළත් නොකරන මෙන් ඉතා කරුණාවෙන් ඉල්ලා සිටිමි.

අදහස් වාරණයක් නොකෙරේ. කුණුහරුප සහ තුන්වන පාර්ශවයන්ට නින්දා කෙරෙන ප්‍රතිචාර ඉවත් කෙරෙනු ඇත.