Friday, 17 February 2012

ලව් පලහිලව්වක අවසාන සිතුවිල්ලක් - Terminal thoughts


ලව් කියන ඒවා විවිධාකාරයි.

සමහර වෙලාවට මෙන්න මේ වගේ.

දැක්ක ගමන් හිත බැඳුණා,
වාසනාවේ දොර ඇරුණා,
දැන් මට තේරේ,
හා හා තේරේ
ආදරේ තේරේ
සොයා සොයා ආවේ ඒ සෙව්ව මැණික හමුවුණා
ඔයා තමයි බඹා කෙටූ එක්කෙනා
සොයා සොයා ආවේ ඒ සෙව්ව මැණික හමුවුණා
ඔයා තමයි බඹා කෙටූ එක්කෙනා


ඒ කියන්නේ ලව් ඇට් ෆස්ට් සයිට්. නමුත් බොහොමයක් වෙලාවට මෙහෙමත් වෙනවා.

කවට කමට ඔබෙයි මගෙයි නම කියා
යහළු ළමයි විහිළු තහළු මට කියා
ඔබ ආදරේද ඇහැව්වා
මං දන්නේ නැතැයි කිව්වා

පාසල් යන කාලෙදී ඔබ හැංගිලා
බැලු හැටි මට මතකයි නෙත් හරවලා
ඔබත් බැලූ නිසයි දෙනෙත් හමුවුනේ
මිතුරන් හින්දයි පෙම් සිත් ඇතිවුනේ
ඔබ ආදරේද ඇහැව්වා
මං ආදරෙ යැයි කිව්වා


තවත් විවිධාකාර සංසිද්ධි නිසාත් ලව් පලහිලව් ඇතිවෙනවා.

මොනවා වුනත් සියළු සංස්කාර ධර්මයෝ අනිත්‍යයි කියලා කියනවා වගේ ලව් පළහිලව් වුනත් ඒ නියාම ධර්මයට අහුවෙලා චක-බ්ලාස් වෙලා යනවා.

හැම ලව් එකක්ම තන්හාධික සිතුවිල්ලක් නේ. වෙනත් පුද්ගලයෙක්ව තමන්ටම අයිති කරගන්න එකයි ලව් එකේ අවසාන අරමුණ.

ඉතිං සමහර වෙලාවට ඒ ලව් එකට කෙලවෙලා ගියත් කොනක ඉතුරුවෙලා තියෙනවා අර කියපු තන්හාවේ කෑල්ලක්. අන්න ඒ කේස් එක නිසා තමයි මෙන්න මේ වගේ කවි ලියවෙන්නේ.

නිමාව

කෙදිනක හෝ මේ කුරිරු ලෝකයෙන්
සමුගෙන මා සදහට නිදනා කල
කොතැනක හෝ ඔබ සිටිනා තැනකින්
මා වෙත එනු මැන ප්‍රිය ලඳුනේ
මා සිප ගනු මැන ප්‍රිය ලඳුනේ

සුසිනිදු මුදු ඔබගේ තොල්පෙති සුව
සීතල මා දෙතොලට නොදැනේවී
මිය ගිය මා හද ඔබ වෙනුවෙන් පිපි
සෙනෙහස් මල ඔබ හට නොපෙනේවී

ඔබ හමුවෙන්නට ආ පෙර සවසක
ඔබට තිළිණ කල මල් පෙති සිහිකර
මිය ගිය මා දෑතේ මතුපිට
මලක් තබනු මැන ප්‍රිය ලඳුනේ
මිය ගිය අතීතය සිහිපත්වන්නට
මලක් තබනු මැන ප්‍රිය ලඳුනේ


(පේරාදෙනිය ඉංජිනේරු පීඨ කලාකවයේ නිර්මාණ පුවරුවේ මුලින්ම පල විය. පසුව මවිසින් හස්තද්වාරයෙන් ප්‍රකාශ කරන ලද හන්තානේ කඳු පාමුල කෘතියට අඩංගු කරන ලදී)

ඒ වගත් මෙසේම,

-කතන්දරකාරයා

ප/ලි:
මුලදි ඔහොම වුනාට පස්සෙන් පහු ලියවෙන්නේ මෙන්න මෙහෙමයි.

ලින්ක් ටු කේන්ති කවිය - http://kathandara.blogspot.com.au/2010/07/blog-post_13.html


(image: http://www.facebook.com/no.love.x?sk=app_4949752878)

26 comments:

  1. එළ ඈ..අනේ මට බෑනේ මේ කවි සීන් එක.....

    ReplyDelete
  2. හස්තද්වාරයෙන් කියන්නෙ මොකක්ද කියන එකට උත්තරේ දුන්නේ නෑනෙ කකා මාමෙ..

    දෙවැනි එක නම් වර්ණපාල මෙතඩ් ලව් එකක්ද කොහෙද?

    --
    හරී
    http://dreamsofharee.blogspot.com/
    --

    ReplyDelete
  3. මේ කීවෙනි ෆස්ට් ලවු එක ගැනද දන්නේ නෑ....:D
    සාමාන්‍ය සිතිවිල්ලක්. අපූරු නිර්මාණයක් කරන්...

    ReplyDelete
  4. ඇයි කළේ මුලු හදින්ම ඔබ මට ආදරේ...?

    ReplyDelete
  5. අන්තිමඑක තමයි ටොප්.

    ReplyDelete
  6. වසිලිස්සා17 February 2012 at 12:21

    ගිනි පෙලෙල්ලකට පෙම්බැඳ
    නොදරුවකු විලසින
    පිළිස්සුන හද මඩල ආලෝකමත් කල
    මහා අකුණු සැරකට
    යලිදු පෙම් බැන්දෙමි

    ReplyDelete
  7. හ්ම්...ආයෙත් කවි නේද ? හොඳා...හොඳා...

    ReplyDelete
  8. Its time to change the pic in your "මේ අවසාන ඝාතනය වේවා! " box

    ReplyDelete
  9. ඊළඟ first love එක පටන් ගන්නේ
    "ඇවිලුනු ගිනි දැල් නිවී නිවී යද්දී ඈ මට හමු වූවා" කියලද?

    Dick-son

    ReplyDelete
  10. මේ කවියත් සනත් අංකල්ගේ 'එදා මෙදා තුර' ජාතියේ එකක් වගේ!

    ReplyDelete
  11. ලව් ඉලව් වෙනවලු කලකදි ලෝකෙම වෙනවාලු

    ReplyDelete
  12. කතන්දරත් හොඳ කවි කාරයෙක්නේ බලාගෙන යනකොට...

    ReplyDelete
  13. නියම කවි දෙකක්...

    ReplyDelete
  14. ඒ කියන්නෙ තාම සී. ඩී. ෆොන්සේකව මතක තියන මිනිස්සු ඉන්නව . .

    ReplyDelete
  15. මේ අවසාන ඝාතනය වේවා!
    No more, please! ..??????

    ReplyDelete
  16. අද මොකද තාම කොමන්ට් අඩු????

    ReplyDelete
    Replies
    1. කවි වලට කැමති කට්ටිය අඩුද මන්ද ? මෙහාට එන්නෙ කතන්දර කියවන්නනෙ....

      Delete
  17. මේ අර මල් නෙලපු කලේ ලිවූ කවිනේ ..ඒකයි මල් ගැනම ලියල තියෙන්නේ

    ReplyDelete
  18. ඔය ලංකාවෙ සින්දු වලින් මම නම් ආස අර.....''මට බැරිය මිරිස් අඹරන්න....උදව් වෙනවාද අනේ..'' වගේ සින්දු වලට........ඒවා මට තේරෙනව අප්පා ....!!.:):):):)

    ReplyDelete
  19. සන්ඩේ ස්පැෂල් කෝ අද?

    ReplyDelete
    Replies
    1. 'මේ ඉරිදා ගිය ඉරිදා වාගෙ' නොවේ වගේ.
      තෑගි නැතත් ඇවිදින් ගියා නං නේද ?

      Delete
  20. අපෝයි ටයිම් ස්ටෑම්ප් එකත් අප්සැට්.

    ReplyDelete
  21. වර්ණපාල තියරියේ ආදර සම්බන්ධකම් කල් අල්ලල හිටින්නෙ නැති ද මන්දා.

    ඇයි ...සමහර ආදර සම්බන්ධකම් තියේ බොහොම අපූරු.... පලමු වසර දෙවන වසර වගේම තෙවන වසරත් ගෙවිල ගියේ වෙනද වගේම දැඩි මිතුරු දමින් . ඒත් තෙවන වසර අවසාන හරිය වෙන කොට එයාල දැනන් තිබුනා මිතුරුකමට වඩා දෙයක් ඒ දෙන්නා ගේ හිත් ඇතුලෙ තියෙන විත්තිය. මෙන්න අපි තෙවන වසරේ සමුගැනීමේ සාදයේ දි (ගොයින් ඩවුන් ) ඒකේදි තමයි දැන ගත්තේ දැන් එයාල පෙම්වතුන් කියලා.

    ඒ වෙන කොට සමහර පලමු වසරෙ දි පෙමව්තුන් වෙච්චි අය වෙනස් වෙලා තිබ්බා.පලමු වසරෙ හිටපු යුගලවල් වෙනස් වෙලා.වෙන් වෙලා. මා දුටු සුන්දරම හා හොඳම සරසවි පෙම තමයි ඔය මං කිව්වේ.දැන් නම් මොනා වෙලාද දන්නැ හිහි.

    ReplyDelete
  22. මාත් ආවා... නොකියම අද කඩේ වහලා...

    ReplyDelete

මා ලියූ කතන්දරයට අදාල නැති කරුණු ඔබේ ප්‍රතිචාරවල ඇතළත් නොකරන මෙන් ඉතා කරුණාවෙන් ඉල්ලා සිටිමි.

අදහස් වාරණයක් නොකෙරේ. කුණුහරුප සහ තුන්වන පාර්ශවයන්ට නින්දා කෙරෙන ප්‍රතිචාර ඉවත් කෙරෙනු ඇත.