Tuesday 20 July 2010

පවුලේ දොස්තර


ඉස්කෝලේ යන කාලේ දහයේ පන්තියේ වගේ ඉඳලා අඳුණන මගේ හොඳ යාළුවෙක් තමයි සුසන්ත සුරන්ජිත්. ක්ලාස් මේට් කෙනෙක් නං නෙමේ. කොහෙමටත් පොර බයෝ සයන්ස් නේ කලේ. මුලින් ටිකක් අඳුණාගත්තත් ඒ ලෙවල්ස් ඉවර වෙලා රස්තියාදු කාලේ තමයි හොඳටම ෆිට් වුනේ.

මං නිතරම පොරගේ ගෙදර යනවා. පව්ලේ කට්ටියත් හොඳට අඳුණවා.

දැන් නං මුණ ගැසුණු කාලයක් මතක නෑ. පොර ඉන්නේ පිටරටක නිසා. හැබැයි ඉතිං ස්කියිපියට පින් සිද්ද වෙන්න මුණත් තහඩුව නං ළඟදී දැක ගත්තා.

පොර ළඟක නැති නිසා මේ කතාව කියන්න බය වෙන්න ඕනැ නෑ මගෙ හිතේ.

ඉතිං ඔන්න විභාග ප්‍රතිපල අනුව පොර ගියා කොළඹ විශ්ව විද්‍යාලයේ වෛද්‍ය පිඨයට.

පොර ගේ මල්ලී ගියේ අපේ ඉස්කෝළෙටමයි. මැන්ස් කළෙත් බයෝ. තව අවුරුදු දෙකක් විතර යද්දී මල්ලිත් තේරුණා රුහුණු විශ්ව විද්‍යාලයේ වෛද්ය පීඨයට.

ඊළඟට හිටියේ පොඩි නංගියා යි. එයා නං ගියේ අපේ ඉස්කෝලෙට අල්ලපු බාලිකාවටයි. එයාත් කලේ බයෝ සයන්ස් ම තමයි ඉතිං පවුලේ ට්‍රැඩිෂන් එක පරිදි.

ඉතිං තවත් අවුරුදු දෙකකින් විතර මට සුසන්ත සුරන්ජිත් හමුවුණු වෙලාවක කිව්වා ඔන්න වූටි නංගී ඒ අවුරුද්දේ ඉඳලා යනවා කියලා පේරාදෙනිය විශ්ව විද්‍යාලයේ පශු වෛද්‍ය විද්‍යාව කරන්න.

මගේ කටට කෙලින්ම ආවේ මෙන්න මේකයි.

"ඇති යන්තං මචං, දැන් ඉතිං තව අවුරුදු හතරකින් උඹලෑ පවුලට බේත් ගන්න පවුලේම වෛද්‍යවරියක් ඉන්නවා..."

කතන්දරකාරයා

ප/ලි
මේ ලඟදී තිබුණු සංදර්ශණයකදී දේශපාලකයෙකු ගේ රෝගී තත්වය බලන්න වෛද්‍ය ජයන්ත පෙරේරා ද කොහෙද ආවය කියන ආරංචිය දැකලා කවුදෝ කඩප්පුලි කතාවක් කියලා තිබුණා එයා ආවේ ඇයි එන්න තිබුණේ වෛද්‍ය ප්‍රමිත් නේද කියලා.

පස්සෙ බැලින්නම් මේ ප්‍රමිත් මගේ යාළුවාගේ නංගී ඉගෙන ගත්තු තැන උපාධිධාරියෙක් ලු.

ඒ කතාව අහලයි මේ ලියපු කතන්දරේ සිහියට ආවේ.

ප/ප/ලි
පල්ලම් පොලු විවේකය හොඳින් ගෙවේ!

25 comments:

  1. ඇති යන්තම් අද කතාන්දරයක් ලියල.

    මට ආරංචියි ඒ වෛද්‍යවරියගෙන්ම තමයි කතන්දරත්... එක්කොත් මොකටද නිකම් ආරංචි පතුරවන්නේ නේද කතන්දර..

    ෴ස්තූතියි ෴

    ෴සුබ දවසක්෴

    ReplyDelete
  2. අප්පේ ඇති කතන්දරයක් දාල තියෙන්නේ. අදනම් දවස හොඳවෙයි.
    මේක අහල ඒ දවස්වල කියපු සත්තුන්ට බෙහෙත් කරන වෙදෙක් ගැන කතාවක් මතක් වුනා මං හිතන්නේ ඒක හැමෝම දන්නවා ඇති.

    ReplyDelete
  3. මේ අර සිස්සත්තෙට ගිය සුසන්තද?නැත්තන් හොඳ සුරන්ජිත් ද?

    ReplyDelete
  4. දැන් රෙස්ට් කරන්නෙ ඔය වෛද්‍යවරිය කියපු හින්දද?

    ReplyDelete
  5. අනුන්ට මඩ ගහන්න ගියාම තමන්ගෙ ඇගෙත් මඩ ගෑවෙනව කියල ඉස්සර හිටපු මිනිස්සු කියල තියෙන්නෙ නිකං නෙවෙයි වගෙ ... හිහ් හිහ් ...

    ReplyDelete
  6. නියම කතාව....සුබ දවසක්........:))

    ReplyDelete
  7. අපි ඊයෙත් ඇවිත් හැරිලා ගියානේ, ඇති යාන්තම් පවුලේ දොස්තර නිසා හරි විවේකය කඩන්න හිතුනු එක

    ReplyDelete
  8. ඇති යන්තම් අද කතාවක් ලියලා...

    ReplyDelete
  9. ඔය කතාව බයෝ සයන්ස් වලට නේද?

    ReplyDelete
  10. යාලුවාට තරහ යන්න් ඇති එකසිය ගානට..හේ..


    පියානන්ගේ රොගීතත්වය කොහොමද...?

    ReplyDelete
  11. @Wath
    මං හිතන්නේ වත් තමයි ඔය කුණ්ඩලිය සංකේතය වැඩියෙන්ම පාවිච්චි කරන කෙනා. මොකක්ද මේකේ රහස?

    ReplyDelete
  12. @ප්‍රියන්ත
    ඔය කියන්නේ අර මලගෙදරකට කඩා වැදුණු දේශපාලඥයා කළ කතාව ගැනද?

    ReplyDelete
  13. @ඇනෝ-1
    මෙයා සුසන්ත සුරන්ජිත්. වෙන චරිතයක්. සිස්ස්සෙස ගිය සුසන්ත මළා නේ, මතක නැද්ද?

    ReplyDelete
  14. @nishan
    අපෝ නෑ, ඒ වෛද්‍යවරිය දැකපු කාලයක් මතක නෑ.
    මං මේ රෙස්ට් කරන්නේ ගෙදර වෛද්‍යවරිය ගේ උපදෙස් පරිදියි.

    ReplyDelete
  15. @ඇනෝ-2
    මඩ වැඩ ඇග්‍රිකල්චර් වැඩනේ. මේව හොඳ වෙටනරි සයන්ස් වැඩ.

    ReplyDelete
  16. @හේමලයා, හරී, වැම්පයර්
    ආවට ස්තුතියි! කතන්දරේ කියෙව්වට ස්තුතියි!! කමෙන්ට්වලට ස්තුතියි!!!

    ReplyDelete
  17. @sameerausa, පිස්සා පලාමල්ල
    ආවට ස්තුතියි! කතන්දරේ කියෙව්වට ස්තුතියි!! කමෙන්ට්වලට ස්තුතියි!!!

    ReplyDelete
  18. @seradeepaya
    ඔව් ඔව් බයෝ සයන්ස් කලොත් තමයි මෙඩිසින්, වෙට් කරන්න පුළුවන්!

    ReplyDelete
  19. @ ඉලංදාරියා
    තාත්තාට නම් කිසිම ගුණයක් නෑ. මොනවා කරන්නද? දුක තමයි.

    ReplyDelete
  20. මම පොඩි කාලෙ එක පශු වෛද්‍යවරයෙකුට හරිම ආසා කළා. ඒ තමයි දොස්තර හොඳ හිත.

    සත්තුන්ට දෙන ගොඩක් බෙහෙත් මිනිස්සුන්ට දෙන ඒවාම තමයි. මාත්‍රාව වෙනස්. සත්තුන්ට කියල විශේෂයෙන් හදන බෙහෙත් ගොඩක් අඩුයි. ඒක හින්දා පශු වෛද්‍යවරයෙක්ගෙන් වුණත් අපි මිනිස් සත්තුන්ටත් බෙහෙත් ගන්න පුළුවන් .

    හැබැයි Exceptions තියෙනවා

    උදා: පූසන්ට පැරසිටමෝල් කියන්නෙ මිනිසුන්ට සයනයිඩ් වගේ. පූසන්ට උණ හැදුනම දෙන්නෙ වෙනම බෙහෙතක්.

    අපෙ ගෙදරත් පවුලේ වෛද්‍යවරියක් ඉන්නවා. ඉතින් මමත් ටික ටික දන්නවා සත්තුන්ට කරන ගොඩ වෙදකම් ;-)

    ReplyDelete
  21. @Chanaka
    මකරුන්ට බේත් කරන්නේත් ඉතිං දොස්තර හොඳහිතලා නේන්නං!

    ReplyDelete
  22. @කතන්දරකාරයා
    ඔව් ඒ කතාව තමයි.

    ReplyDelete
  23. යන්තම් කතාවක් දාලා. මේක නැති උනාමත් හිතට හරි නැහැ වගේ අප්පා.
    :)

    ReplyDelete

මා ලියූ කතන්දරයට අදාල නැති කරුණු ඔබේ ප්‍රතිචාරවල ඇතළත් නොකරන මෙන් ඉතා කරුණාවෙන් ඉල්ලා සිටිමි.

අදහස් වාරණයක් නොකෙරේ. කුණුහරුප සහ තුන්වන පාර්ශවයන්ට නින්දා කෙරෙන ප්‍රතිචාර ඉවත් කෙරෙනු ඇත.