![](https://blogger.googleusercontent.com/img/b/R29vZ2xl/AVvXsEiwKcwPJPV9uAqpZmfJYbDrZmi0mHDYAsGat5yt0cS-iheWVWdzajwMk54brEiIbJx5jmB4DX3DpOwUt0TO6uWxRYJnYCeZxgYI8RThC4IqpBcBI8Gk07ws7JOvrMGw5ChU11CGy2qG16Y/s320/FatherNSon.jpg)
මේ ලෝකේ උපදින හැම දෙනෙකුට ම වෙන දෙයකට මුහුණ දෙන්න දැන් සුළු මොහොතකට කලින් මට සිදු වුනා.
ඒ තමයි මගේ තාත්තා ගේ මරණය පිළිබඳ ආරංචිය ලැබීම.
හිතේ දුක් ගින්න දරාගැනීම මං මේ මොහොත වෙන තුරු හොඳට කරනවා.
මගේ තාත්තාට නිවන් සුව ලැබේවා!
මිතුරෙකු ගේ තාත්තා ගේ මරණය ගැන ආරංචි වී මා ඔහු වෙනුවෙන් ලියූ මේ කවි කිහිපය කියවන මෙන් ඉල්ලා සිටිමි.
මිතුරා ට ලියූ ලිපිය
පියා මිය ගිය පුවත
ලැබ සිත වුවද කම්පිත
සඟවා කඳුළු නෙත
මා කියන බස අසන් පිය මිත
උපන්නොත් මෙලොවේ
දිනක මරණය හිමිවේ
මෙය බුදු දහම වේ
සියළු දේ ලොව නැසෙන සුළු වේ
ඔබ අද ලැබූ එම
දුක් බරිත පණිවිඩයම
මතු දිනයකදි මම
ලබන්නෙමි නැත කිසි සැකක් හෙම
එය අවසන නොවේ
දුක එලෙස නිම නොමවේ
අප පුතුනට ලොවේ
දිනෙක මේ දුක් පුවත හිමි වේ
අප කුඩා කල දී
හොඳ නරක පහදා දී
ගුණ දම් කියා දී
පිය මෙහෙය දෙවි කමට පරදී
අප උපන්දා සිට
පියවරුන් කල සේවෙට
ඇති ණය ගෙවන්නට
කෙලෙස නම් හැකි වේද අප හට
දුක් වන්නට එලෙස
කාරණා නැත කිසි ලෙස
මා කියන මේ බස
අසා සැනසෙන් මා මිතුර යස
ගත් ණය ගෙවන්නේ
ආපස්සට නොවන්නේ
පිය නම රැකෙන්නේ
ඉදිරි පරපුර රැකුනොතින්නේ
පිය ගුණ සිහි කරමු
හොඳ දූ පුතුන් සාදමු
හොඳ පියවරුන් වෙමු
පියාණන් ණය එලෙස පියවමු
-කතන්දරකාරයා
katandara,
ReplyDelete'May the good memories of love you shared with your father comfort you now and in the days ahead.'
අනේ කතන්දර හිතට හරිම දුකයි. හාමිනේට කමක් නැත්නම්, මට මේක ඉවර කරන්න පුලුවන්ද මෙහෙම කියලා.
with love & hugs.
කශූගේ පියතුමාට නිවන් සැප ලැබේවා !
ReplyDeleteඑතුමාට අමා මහ නිවන් සුව අත්පත් වේවා..!!! අපට ඉතසිතින් පැතිය හැක්කේ එපමණයි නේද? :'(
ReplyDeleteMy deepest sympathies brother. May he attained Nibbana.
ReplyDeleteකාකා...
ReplyDeleteකමෙන්ට් එකක් දාන්න පහලට අඅවිදගෙන එනකොට මෙ කොටුවෙ උඩින් තියෙන කතන්දරෙ ගැන මොකද හිතෙන්නේ කියන අකුරු ටික දැක්කම..මම කියන්න ගිය දේත් මට අමතක උනා..
ඇත්තටම ජීවිත කතන්දරෙ ගැන අපිට මොකද හිතෙන්නේ...
තව පිටුවක් ගැලඋනා වගේ නේද..?
මම අමුතුවෙන් කාකාගේ හිත හදන්න ඔන නැහැ..කාකාම යතාර්ථය දන්නවා..
ඔහුට නිවන් සුව ලැඛෙවා...
බොහොම කනගාටුයි. එතුමාට නිවන් සැප අත්වේවා!
ReplyDeleteහැමදාමත් උදෙන් මෙහෙට එන්නෙ හොඳ දෙයක් දකින්න, ඒත් අද??? කතන්දර ශූරින් ගේ දයාබර තාත්තාට අමා මහ නිවන් සුව ලැබේවා!!!!
ReplyDeleteඅපේ අප්පච්චිලාට ඔය පණිවිඩය ලැබුනා... අපිටත් ලැබෙයි.... අපේ දරුවන්ටත් ලැබෙයි... වෙනස තියෙන්නෙ කවදා කොයි වෙලේද කියලා නොදන්න එක විතරයි....
ReplyDeleteමගේ සාතිශය සංවේගය පිළිගන්න කසූ......... හදවතින්ම දුක් වෙනවා මේ වෙලාවේ......
කසූගේ පියාණන්ට නිවන් සුව අත්වේවා..!
ReplyDeleteකතන්දර අයියාගේ තාත්තාට නිවන් සුව අත්වේවා!!!!!
ReplyDeleteඅයියාගේ කවිය කියෙව්වාම මගේ ඇස් වලටත් කඳුළු ආවා.
Kathandarage blog ekata mama awe langadi... mulma comment 1 me wage ekakata denna wei kiyala heenekinwath hithuwe naha....
ReplyDeletemata godak kanagatui... thaththata niwan suwa lebewa!!!!!!!!!!!!!
අද පෝස්ට් එකේ මාතෘකාව දැකලා ඒක කියවන්න ඇවිත් දාලා තිබුණු පින්තූරේ එහෙම දැක්කාට පස්සේ මට හිතුණා මේ වගේ දෙයක් තමයි අද කසූ කියන්න යන්නේ කියලා.
ReplyDeleteකොහොම නමුත් පතන්නට යමක් ඉතිරිවෙලා තියෙනවා නම් ඒ ඔබේ පියාට නිවන් සුව ප්රාර්ථනා කරන එකයි. මේ සංසාර ගමනෙන් එතෙර වෙලා අමා මහ නිවන් සම්පත් ලැබේවා කියලා බෞද්ධයෙක් විදිහට මම ප්රාර්ථනා කරනවා
ඔහු අපේම කෙනෙක් වෙලා ඉවරයි. ඔපේ කතන්දර සමග ඔහු තව බොහෝ කාලයක් අප සමග ජීවත් වේවි....
ReplyDeleteඔබේ පියාට නිවන් සැප ලැබේවා......
මගේ සාතිශය සංවේගය කකා...
ReplyDeleteබොහොමත්ම කනගාටුයි. එතුමාට නිවන් සුව පතමි!!!!
ReplyDeleteඅපිටත් මතු දිනෙක මෙපුවත අසන්නට ලැබෙනු ඈත. එය ලෝ දහමයි
ReplyDeleteනිවන් සුව අත් වේවා ඔබේ පියතුමන්ට, අපගේ බලවත් කණගාටුව....!!
තාත්තාට නිවන් සුව ලැබේවා කතන්දර.
ReplyDeleteඅර අන්තිම කොටසෙ ලියල තියෙනව වගේ ඒ තරම්ම හොඳ තාත්තෙක් වෙන්න ඔබට ආසිරි....
කසූගේ පියතුමාට නිවන් සුව අත් වේවා....කවිය හරිම සංවේදියි...
ReplyDeleteකකාගේ පියාට නිවන් සුව අත්වේවා!!!!
ReplyDeleteමගේ සාතිශය සංවේගය..........
ඔබගේ පියාණන්ට නිවන් සුව අත්වේවායි පතමි
ReplyDeleteකණගාටුයි :(
ReplyDeleteඋපදිනකොට නියත එකම දේ මරණය
අපි ආවොත් යන්නම ඕනෙ
නොගිහින් ආයි එන්න බෑ
නැවත නැවතත් මේ ගමනේ නොයෙදී
ඉක්මනටම අහවරයක් කරන්නට
කතන්දරගේ පියාණන්ට හැකි වේවායි හිතමු !!
Please accept heartfelt expression of my sympathy and condolences on the death of your father.
ReplyDeletemay he attain nibbana !
මේ හැම දුකක් ම විඳින්න වෙන්නෙ අපි ඉන්න නිසානෙ. මීට කලින් භවයන් කීයක මේ වගේ දුක් විඳින්න ඇද්ද? ඉදිරියට කොච්චර දුක් විඳින්න වෙයිද ?
ReplyDeleteමේක තියෙන එකම සහ හොඳ විසඳුම තමයි නිවන් දැකීම
ethumata niwan suwa pathami
ReplyDeleteඔබගේ පියාණන්ට නිවන් සුව අත්වේවායි පතමි!
ReplyDeleteකතන්දරගෙ පියාණන්ට නිවන්සුව අත්වේවායි පතනවා...
ReplyDeleteකවි ටිකනං හරිම සංවේදීයි.
අද අමුතුම කතන්දරයක්. පළමුවරට දුක දැනෙන.
ReplyDeleteඔබේ පියාණන්ට නිවන් සුව !!!
ඒ අප්පච්චීට සසර ගමන කෙලවර කොට නිවන් සුව දකින්ට හේතු වාසනා ඇතිවේවා... කරුණාකර දන්නා කෙනෙක් ඇත්නම් මට අවසන් කටයුතු කෙරෙන තැන දන්වන්ට... යාමට බලාපොරොත්තු වෙමි...!!
ReplyDeleteලැබුන ආරන්චිය පිලිබඳව ඉතාම කණගාටුවට පත් වුනා කතන්දර .
ReplyDeleteඔබේ පියාණන්ට නිවන් සුව පතමි. !
අර කියන්නා වගේ, උපන්නොත් යම් කෙනෙක් මෙලොවේ, මරණයක් කොටා ඇත නළලේ.. කවදාහරි දවසක අපිටත් ඒ පණිවුඩය එයි.
ReplyDeleteඔබගේ පියාණන්ට නිවන් සුව අත්වේවායි පතමි!
I am sure he is proud of you..
පමාවට සමාව!!! පියානන්ට නිවන් සුව...!!!
ReplyDeleteඇත්තටම කොහේද අවසන් කටයුතු තියෙන්නේ? අපිව දැනුවත් කරන්න.
ඔබගේ පියාණන්ට නිවන් සුව පතනවා.
ReplyDeleteඔව්, ඔබේ පියාණන් ආඩම්බර වෙයි මේ වගේ දරුවෙක්ව හදපු වඩපු එකට.
කසූගේ පියාණන්ට නිවන් සුව අත්වේවා..!
ReplyDeleteඔබගේ පියාණන්ට නිවන් සුව පතමි....!
ReplyDeleteඔබේ පියා හට නිර්වාණට අත්වේවායි ප්රාර්ථනා කරමි.!
ReplyDeleteමළ ගෙවල් වල යන ගමන ඉලවු ගෙදර දොරකඩට පමණක් මම සීමා කරන්න ගත්තේ මගේ රත්තරන් තාත්තගේ මළ ගෙදරින් පස්සෙ... කෙනෙක් මළාම දැනෙන දුක වේදනාව මට හරියටම දැනෙන්න ගත්තෙත් මගේ තාත්තා මිය ගියාට පස්සේ...
ReplyDeleteඉතින් තාත්තල ගැන කියන්න මට වචන නැහැ කතන්දර...
අපි බෞද්ධාගමිකයන් විදිහට පතන අවසන් සුවය "නිවන් සුව" මගේ තාත්තාට මෙන්නම ඔබේ ආදරණිය තාත්තාටත් අත් වේවායි පතමි...
එතෙක් හමුවන සසර පුරාවට ලෝකෙ ඉන්න හොඳම තාත්ත හැමදාම අපේ තාත්තම වෙන්න කියල ප්රාර්ථනා කරන්නම්...
අපේ ශෝකය.
ReplyDeleteජීවිතයත් හැම දෙයක්ම වගේම සීමිතයි.
ඒත් ඒ පිට ඉඳන් බලන අයට.
-ලොකු
කතන්දරගේ තාත්තාට නිර්වාණයම අත්වේවායි පතන්න මමත් එකතු වෙනවා...
ReplyDeleteපියෙහි විප්පයෝගෝ දුක්ඛෝ = ප්රියයන්ගේ වෙන් වීම දුකකි....
ReplyDeleteක.සූ ගෙ තාත්තට නිවන් සුව අත්වේවා........
කතන්දර අයියගේ අප්පච්චීට අමා මහ නිවන් සුව ප්රාර්ථනා කරනවා.....!!!
ReplyDeleteමගේ සාතිශය සංවේගය කකා.
ReplyDeleteකකා ගේ පියාට නිවන් සුව පතමි
My deepest sympathies brother.....I wish he would rebirth in a good place,and in the end,attain nibbana........
ReplyDeleteමගේ සාතිශය සංවේගය කකා.
ReplyDeleteකකා ගේ පියාට නිවන් සුව පතමි
අතිශය කණගාටුව ප්රකාශ කරමි.
ReplyDeleteපියාට නිවන් සුව ලැබේවා.
මාගේ සාතිශය සංවේගය. ඔබේ පියාගේ ආත්මයට මොක් සුව ප්රාර්ථනා කරමි.
ReplyDeleteWhen you arrive in this world,
ReplyDeleteThe only absolute certainity is,
You have to leave one day,
Sooner or later,
When, why, how & where,
therein lies the difference,
nevertheless you have to leave,
Period,
Dear Friend,
My deepest sympathies,
එතුමාට නිවන් සැප අත්වේවා!
ReplyDeleteකකා ගේ පියානන්ට අජරාමර නිවන් සුව අත්වෙවා ..?
ReplyDeleteපියාණන්ට නිවන් සුව පතමි.
ReplyDeleteඉතාම කණගාටුදායක පුවතක්..
ReplyDeleteඔබගේ පියාණන්ට නිවන් සුව පතනවා..!!
This comment has been removed by the author.
ReplyDeleteKathandara, obage piyathumanta niwan suwa labeewa...!
ReplyDeleteHelaya...
ඔබගේ පියාණන්ට නිවන් සුව අත්වේවායි පතමි
ReplyDeleteMy heartiest sympathy.
ReplyDeleteSomeone pls let us know where the funeral is held.
පියාණන්ට නිවන් සුව!
ReplyDeleteහරිම කණගාටුයි !
ReplyDeleteමතු අත් බවේත් එතුමා ඔබගේම පියා වේවා !!!
(මම ලඟදි කතන්දර බලන්න ආපු කෙනෙක් )
dukbara news ekak eth monawa karannada apita yatharthayata muna dennama wenawa malli. oyage thathtata niwansuwa parthana karanawa.
ReplyDeleteපතන්නාවූ බෝධියකින් නිවන් පුර දොර ඇරේවා තාත්තේ!!
ReplyDeleteමා පෙර පවසා ඇති පරිදි ඔබ වන් පුතෙක් හැදු උතුම් පියෙකු වන එතුමාට දෙව්ලොව කරක්ගසා සසර දුක් වැඩි නොකරගෙන උතුම් මනුසත් බවක්ම ලබා නිවන් මග සාක්ෂාත්කරගැනීමට ලැබේවා.
ReplyDeleteඅමා මහ නිවනින් සැනසේවා පියාණෙනී..!!
ReplyDeleteඔබට නිවන් සුව..!
තාත්තා ඉපදුණු මාසයේම මේ ලෝකය අතැර ගියත් , සාමාන්ය තාත්තා කෙනෙක් වුණාට වඩා "කතන්දරගේ තාත්තා" වීම ගැන අප්රමාණ සතුටක් තියෙන්න ඇති...
ReplyDelete"කතන්දරගේ තාත්තාට" නිවන් සුව...
This comment has been removed by the author.
ReplyDeleteකතන්දර අය්යාගේ පියාණන් වහන්සේට නිවන් සුව අත්වේවා.
ReplyDeleteහදපිරි ශෝකය! ඔබගේ මතකයන් ඔබට ධෛර්යය ලබා දේ යැයි පතමි!
ReplyDeleteමගේ සාතිශය සංවේගය :(
ReplyDelete"උත්පත්තියා සහෙවේදං,මරණං ආගතං සදා"
ReplyDeleteකතන්දර ශූරින්ගේ පියාණන්ට නිවන් සැප ලැබේවා...
උඹේ තාත්තාට නිවන් සුව අත්වේවා . . .. !
ReplyDeleteකතන්දරෙ ගෙ පියාට අමා නිවන් සුව ලැබේවා....ඔබ වන් පුතකු ලද ඔහු සැබැවින්ම ආඩම්බරනීය පියෙකු ලෙස මෙලව හැර යන්න ඇති,
ReplyDeleteකතන්දරකාරයාගේ පිය තුමාට නිවන්සුව ලැබේවා
ReplyDeleteමගේ සාතිශය සංවේගය කසූ...
ReplyDeleteයාම දුකකි...ඒමද දුකකි..නොගොස් එන්නට බැරිය..නෑවිත් යන්නට බැරිය.. ලොව ඇත්තේ යාම් සහ ඒම්ය.
ReplyDelete(මලගිය ඇත්තෝ)
කසු මම ඔයාගේ තාත්තවවත්, ඔයාවවත් පුද්ගලිකව දන්නේ නෑ. නමුත් තාත්තට ඔයා කොච්චර ආදරේ කරාද කියලා මේ බ්ලොග් එකෙන් දැක්කා. දරන්න බැරි වේදනාවක් තමා..
කසුගේ තාත්තට නිවන් සුව පතනවා!!!
කතන්දර,
ReplyDeleteතාත්තට හොඳ ඊලග ආත්මයකුත් අවසානයේ නිවන් සැපත් ලැබෙන්න කියලා මම ප්රාර්ථනා කරනවා!
එතුමාට නිවන් සැප ලැබේවා
ReplyDeleteබොහොම කණගාටුයි කසූ... :( එතුමාට මතු උපදින බවයක නිවන් සුව ලැබේවා කියල පතනවා..
ReplyDeleteබොහොම කණගාටුයි කසූ... :( එතුමාට මතු උපදින බවයක නිවන් සුව ලැබේවා කියල පතනවා..
ReplyDeleteමම මේ බ්ලොග් එකක අඳුරගත්තෙ මෙවැනි පුවතකින්....
ReplyDeleteඔබේ පියා මේ භවයේයේදි නොලැබුනත්, ඉදිරි ආත්ම භාවයකදී නිවන් සුව අත්වේවා!!!
මට බොහොම කණගාටුයි සහෘදයා. මගේ සංවේගය.......
හිතේ දුක් ගින්න මේ වනතුරු දරාගන්නවා කියල කියවද්දි මට තේරුනේ කසූ ජීවිතේ ගැන කොච්චර දුරට තේරුම් අරන් තියනවද කියලා... කොහොම වුනත් මමත් ප්රාර්ථනා කරනවා මේ නිමක් නොපෙනෙන සංසාර චක්රයේ කෙලවර දකින්නට කසූගෙ පියතුමාට කසූවන් පුතුන් ලද පිනත් හේතුවේවා කියා...
ReplyDeletePlease except my deepest sympathies on your great loss.
ReplyDeleteඑතුමාට නිවන් සැප ලැබේවායි පතමි!
ReplyDeleteසාතිශය සංවේගය
ReplyDeleteඔබේ පියාට නිවන් සුව ලැබේවා කියා ප්රර්ථනා කරමි
දුකයි සහෝදරයා ! ඇත්තටම ..තාත්ත කෙනෙකුගේ අඩුව හොඳටම දන්න කෙනෙක් විදිහට මට ඔබේ දුක හිතාගන්න පුලුවන් ..
ReplyDeleteමරනය අපි හැමෝටම උරුමයි ..අපි හැමෝම කෙදිනක හෝ ඊට මුහුන දීමට සූදානමෙන් සිටිය යුතුයි ..
ඔබේ පියාණන්ට නිවන් සුව!
කතන්දරකාරයාගේ පිය තුමාට නිවන්සුව ලැබේවා
ReplyDeleteමගේ සංවේගය
මරණය යනු ඉතා තාවකලික සමුගැන්මකි.උතුම් පිය පදවිය ඔහුව ඔබේ හදවතේ සදා ජීවත් කරවනු ඇත.එය එසේමය.
ReplyDelete"පියාණනි ඔබ මතු බුදු වේවා..!"
නන්නාඳුනන මට කළහැකි එකම කාර්යය මෙය පමණි.එය මා හදවතින්ම ඉටු කරමි.
කතන්දර ශූරින් ගේ දයාබර තාත්තාට නිවන් සුව ලැබේවා...!
ReplyDeleteකතන්දරගේ පියාණන්ට අමාමහ නිවන්සුව අත්වේවා....!!!
ReplyDeleteමේ අතිශය සංවේදී අවස්ථාවේ මාගේ කනගාටුව ප්රකාශ කරමි. සංයමයෙන් ඉදිරි වැඩකටයුතු කරගෙන යාමට දිරි පතමි.
ReplyDeleteඉතාමත් ශෝක ජනක ආරංචියක්
ReplyDeleteඔබේ පියානන්ට නිවන් සුව පතනවා
හුගක් දුක හිතෙන ආරංචියක්
ReplyDeleteඔයාගේ තාත්තාට අමාමහ නිවන් සුව ලැබේවා
ඔබගේ පියාණන්ට නිවන් සුව අත්වේවායි පතමි
ReplyDeleteකකාගේ පියාගේ අභාවය පිළිබද අපේ බලවත් කණගාටුව
ReplyDeleteඔහුට අමා මහ නිවන් සුව අත්වේවා!!!
ReplyDeleteඔහුට අමා මහා නිවන් සුව ලැබේවා
ReplyDeleteobe piyata niwan suwa labewa kiyala mama pathanawa .... ow kawiyea thibuna widiyata .. api hamoma dawasaka marenawa ... kaka piyata wenna ona yuthukam nopirihela itukarapu kenek nisa ea gana hithala duka thuni karaganna balanna ...
ReplyDeleteකනගාටු දායක අරන්චියක්..
ReplyDeleteදුක බෙදාගන්න හරි ලගට එන්න බැරි 1ක ගැනත් හිතට අමාරුයි...
ක.ශු. හිතන විදිය හරි...
පියානන්ට නිවන් සුව ලැබෙවා..!!!
ජීවිතේ හෑටි ඔහොම තමයි සහෝදරයා.ඔය අත්දෑකීම ලබද්දි මට වයස 18.හිත හදාගන්න.කාලයත් එක්ක දුක තුනීවෙලා යයි.අප්පච්චි වෙනුවෙන් පිං දහම් කරන්න.
ReplyDeleteඔබේ පියාණන්ට නිවන් සෑප ලෑබේවා!
"කතන්දරේ ගැන මොකද හිතෙන්නේ? ලියන්න!"
ReplyDeleteමෙතෙක් දවස් කතන්දර කියවලා හිතපු දෙවල් වලට වඩා ගොඩාක් වෙනස් දෙයක්... ගොඩක් දුකයි. ඒ වුනත් කතන්දර කාරයා යථාර්තය දන්නවා කියලා පැහැදිලියි...
සංවේගයෙන් පතමි. උපන්නාවු තැනක හිද උතුම් වු නිර්වානය සාක්ෂාත් කොට ගෙන මේ සසර ගමන කෙලවර කිරීමට වාසනාව ධෛර්යය ලැබේවා...!!!
කතන්දර සූරීන්ගේ පියතුමාට නිවන් සුව !!
ReplyDeleteඅපිව දිවා රෑ නොබල වෙහෙස මහන්සි වී රැකගත්...අපේ ජීවිතයේ සාර්ථකත්වයේ සලකුන වූ...මොනම දුකේදි වත් අපිව හැර නොයන පියාණන් මේ දුකේදි අප හැර ගිහින්....මට නන් ඒ දුක දරා ගන්න බැරි වෙයි...ඒක නිසා කල හැකි එකම ප්රාර්ථනාව වන්නෙ පියාණන්ට නිවන්සුව පැතීම පමනි.
ReplyDeleteසියක් දෙනෙක් ඔබ වටා.. දුක බෙදා ගන්නට..
ReplyDeleteතාත්තා ඔබ ගැන සතුටු වෙයි.. නොසැලී ඉන්න!
පිලේ පැදුරේ සාතිශය සංවේගය!
ReplyDeleteමාගේ සාතිශය කණගාටුව . . . !
ReplyDeleteඔබේ පියාණන් පතනා බෝධියකින් නිවන් මග සාක්ෂා කර ගනිත්වා . . . !
ඔබගේ පියා අයෙමත් මේ බියකරු සසරට නොවැටේවා..!
ReplyDeleteඋතුම් නිර්වාණය අවබෝධ කිරීමට ලැබේවා!!!
පියාට නිවන් සුව ලැබේවා!!!
ReplyDeleteමට බොහොම කණගාටුයි සොහෝදරයා .ඔබගේ පියතුමන්ගේ අභාවය වෙනුවෙන් මගේ සාතිශය සංවේගය පුදකර සිටිනවා
ReplyDeleteකතන්දරගේ තාත්තාට නිවන්සුව පතමු.
ReplyDeleteතාත්තාට නිවන් සුව අත්වේවා!!!!!
ReplyDeleteඔබේ පියාණන්ගේ අභාවය ගැන කණගාටුව ප්රකාශ කරන අතර අවමඟුලට සහභාගි වීමට නොලැබීම ගැන කණගාටු වෙමි. (ප්රතිචාරය පමාවූයේ අවමඟුලට එන්ට සිටි බැවිනි. එහෙත් හදිසි කටයුත්තක් නිසා එන්ට නොලැබෙනු ඇත.)
ReplyDelete- Taboo
my deepest sympathy bro......
ReplyDeleteතාත්තාට නිවන් සුව අත්වේවා!
කතන්දර අයියේ,සමාවෙන්න කියලා කියනවා මුලින්ම.මට ඔයාගෙ බ්ලොග් එකට එන්න බැරුව තිබුනේ.නමුත් දැන් හරි.
ReplyDeleteමේ ආරංචිය දැනගත්තම ගොඩක් දුක හිතුනා..ඔබගේ පියාණන්ට නිවන්සුව අත්වේවා..!
බුදුසරණයි...!
ඔබගේ පියාණන්ට නිවන් සුව අත්වේවා
ReplyDeleteඔබේ පියාට නිවන් සුව!!
ReplyDeleteඒ ආදරණීය පියතුමාට නිවන් සුව ලැබේවා.
ReplyDeleteකශූගේ දයාබර පියාණන්ට නිවන් සැප ලැබේවා!!!!
ReplyDeleteකතන්දරගෙ පියාණන්ට නිවන්සුව අත්වේවා!
ReplyDeleteඅප්පට සිරි මචන්. මම දැන් දැක්කේ. මගෙත් බලවත් ශෝකය පළ කරනවා. ඒ වගේම ඔබේ පියාණන්ට නිවන් සුව ප්රාර්ථනා කරනවා. දුක ඇති තැනක ඉපදී නම් එම දුක නැති වන්නත් සුඛ ඇති තැනක ඉපදී නම් එම සැපය වැඩි වන්නත් ප්රාර්ථනා කරමි.
ReplyDelete/බිඟුවා...
අයියේ ඔයාගේ තාත්තාට නිවන් සුව ප්රාර්ථනා කරනවා...
ReplyDeleteදුකයි යාළු. ඒ උනාට යාළු අපි ආදරේ කරන අයයි අපිට ආදරේ කරන අයයි අපිව දාලා ගියාට හැමදාම එයාලා අපි ගාව හැමදාම ඉන්නවා වගේ දැනෙනේවා . ඔබේ පියාට නිවන් සැප ලැබේවා කියලා ප්රර්ථනා කරනවා
ReplyDeleteපිය තුමාට නිවන් සුව ලැබේවා
ReplyDeleteඔබේ කරුණාවන්ත වදන් අසා මගේ දුක කෙමෙන් නිවුනි.
ReplyDeleteස්තුතියි.
මේ පොදු ස්තුතිය සහ තාත්තා ගැන මගේ මතකයන්.
http://kathandara.blogspot.com/2010/12/blog-post_10.html
කතන්දරකාරයා
සමාවෙන්න ඕනේ කතන්දර අයියේ අදයි මේ ලිපිය දැක්කේ.
ReplyDeleteඔබේ පියතුමාට නිවන් සුව අත්වේවා'යි මම ප්රාර්ථනා කරනවා.
කතන්දර මල්ලී, සමාවෙන්න අදයි මම මේ ලිපිය කියෙව්වේ.
ReplyDeleteමගේ පියා මිය ගිහින් දැන් වසර 18ක් වෙනවා. ඔබ කියූ පරිදිම පියවරුන් දූදරුවන් වෙනුවෙන් කල කීදේ අපරිමානයි. අද මමත් පියෙක්. ඒත් තවමත් මම ඒ ණය ගෙවන්නට වෙහෙසෙනවා. මගේ දියනිය පෙරපාසැල් කඩුල්ල ලග සිට "තාත්ත යන්න එපා" යයි මගේ ගෙල බදාගෙන හඩනා විට මමත් එලෙසම ඇඩූ හැටි, තාත්තා මා සැනසූ හැටි අදත් මට මතක් වෙනවා. එතකොට මට හිතෙන්නෙ මා ගෙවූ ණය, මහාමේරුව මත තැබූ පුංචි අබ ඇටයක් තරම් බවයි.
"රැක්මට පුතුන් දිවියේ දුක් ගැහැට විදී..."
"පිය සෙනෙහසට කව් ගී ලියැවුනා මදී...."
ඔබේ කවියත් මේ අඩුව සපුරන්නට උදවු කරාවි.
ඔබේ පියාණන්ට නිවන්සුව ලැබේවා!
තෙරුවන් සරණයි.
මම අදමයි ඔයාගෙ බ්ලොගයට ආවෙ.. කොමෙන්ටුත් ගොඩක් දැම්ම වගේ මතකයි...
ReplyDeleteඒත් මේකටත් නොදා යන්නෙ කොහොමද.. මට හරිම කනගාටුයි අය්යෙ.. අපි කාටත් ජිවිතේ අවසන් ගමනක් තියේ.. නමුත් කොතනද කොයි මොහොතෙද කියල විතරයි නොදන්නෙ.. ඔයාගෙ තාත්තට මම නිවන් සුව ප්රාර්තනා කරනව..!!
ඒ තාත්ත පිනැත්තෙක්. නුඹ වන් පුතෙකු හැදු.
ReplyDeleteදුටු නොදුටු හැමෝගෙම පින් අනුමෝදනා ලබන්නේ නුඹ නිසා
(සයිබරේට මම අලුත් නිසා) මියගිහින් අවුරුද්දකින් අදයි මම දැක්කේ. තවත් කොච්චරක් නම් කාලයක් මේකට කොමෙන්ටු එකතු වෙයිද
සංසාරේ වගේ .....
ඒ උත්තමයට නිවන් සුව!
මගේ තාත්තත් ගිය 10 වෙනිදා (ගිය සතියේ) අපිව තනි කරලා සදහටම යන්න ගියා.
ReplyDeleteපමාවට සමාවෙන්න. ළඟදියි මේ site එක සම්පුර්ණයෙන් කියෙවිවේ. තාත්තාට සන්තෝෂ වෙන්න පුළුවන් පුතෙක් ඔබ. ඔබගේ පියාණන්ට නිවන් සුව අත්වේවා.
ReplyDelete